1968-ci ildə Bakı şəhərində anadan olub.
1987-ci ildə Ə.Əzimzadə adına Dövlət Rəssamlıq Məktəbini bitirib.
1994-cü ildə Azərbaycan Dövlət Mədəniyyət və İncəsənət Universitetini bitirib.
1985-ci ildən «Kirpi» satirik jurnalında və dövri mətbuatda
karikaturaçı-rəssam kimi çıxış edir.
2000-ci ildən Azərbaycan Jurnalistlər Birliyinin üzvüdür. Mətbuatda məhsuldar və səmərəli
fəaliyyətinə görə AJB tərəfindən “Zərdabi” adına mükafata layiq görülmüşdür.
2005-ci ildən Azərbaycan Rəssamlar İttifaqının üzvü və ARİ-da karikatura
bölməsinin sədridir.
2005-ci ildə “Biz və Media” mətbuat evini təsis etmiş və təşkilatın direktoru olmuşdur.
2005-ci ildən «Biz və Karikatura» jurnalının baş redaktorudur.
2005-ci ildə mətbuatda məhsuldar fəaliyyətinə və əsərlərindəki vətənpərvərlik ruhuna görə
“Vətən” media mükafatına layiq görülmüşdür.
2005-ci ildən Benəlxalq Karikatura Müsabiqələrində və Festivallarında fəal iştirak edir.
Əsərləri respublikada və xaricdə keçirilən beynəlxalq karikatura müsabiqələrində
qızıl, gümüş, bürünc medallara, xüsusi mükafatlara və fəxri diplomlara layiq
görülmüşdür (Azərbaycan, Çin, Koreya, Kuba, Suriya, Polşa, ABŞ, Kipr, Serbia,
Nepal, Türkiyə, İsrail, Rumıniya, Efiopiya, Bolqarıstan, İran, Hindistan). Yüzdən
artıq əsəri Beynəlxalq Karikatura Müsabiqələrində seçilmiş ən yaxşı
karikaturalardan ibarət kitablara və albomlara daxil edilmişdir.
2006-cı ildə Azərbaycan Karikaturaçı Rəssamlar Birliyinə sədr seçilmişdir.
2006-cı ildən Beynəlxalq Karikaturaçılar Təşkilatları Federasiyasında Azərbaycanın
təmsilçisidir. Beynəlxalq təşkilatın orqanı olan “FEKONEWS” jurnalının redaksiya
heyətinin üzvüdür. -Dünyanın müxtəlif ölkələrində keçirilən beynəlxalq karikatura
müsabiqələrində münsiflər heyətinin üzvü və sədri olmuşdur
(Çin,İzrail,Suriya,İran,Hindistan,Türkiyə,Rusiya,Azərbaycan). -Müxtəlif ölkələrdə
nəşr olunan satirik jurnalların redaksiya heyətinin üzvüdür. 2007-ci ildə
Azərbaycan Respublikasının Prezidentinin sərəncamına əsasən Azərbaycan
Respublikası “Əməkdar İncəsənət Xadimi” fəxri adına layiq görülmüşdür.
2008-ci ildə “Azərbaycanda karikaturanın inkişafı” mövzusunda müdafiə etmiş,
sənətşünaslıq doktoru elmi dərəcəsini almışdır. 2008-ci ildən Azərbaycan Dövlət
Mədəniyyət və İncəsənət Universitetində “Karikatura tarixi” fənnini tədris edir,
Universitetin “Sənətşünaslıq” kafedrasının dosentidir. -Karikatura sahəsində
9 monoqrafiyanın, 50-yə yaxın elmi və publisistik məqalənin, tədris vəsaitləri və
proqramların müəllifidir.
2008- Azərbaycanda keçirilən “Molla Nəsrəddin” Beynəlxalq Karikatura Müsabiqəsinin
təşkilatçısı, “Molla Nəsrəddin - Azərbaycan” proektinin rəhbəridir.
2008-ci ildə “Cartoonion” Beynəlxalq Karikaturaçılar Klubuna üzv seçilmişdir (ABŞ).
2009-cu ildən beynəlxalq “Dünya Karikatura Ensiklopediyası”-nın redaksiya heyətinin
üzvü seçilmişdir (İspaniya).
2009-cu ildə Təbriz Karikatura Assosiasiyasına fəxri üzv seçilmişdir (İran).
2009-cu ildə Azərbaycan Rəssamlar İttifaqının Rəyasət heyətinə üzv seçilmişdir.
2010-cu ildən “Azərbaycan Karikatura Mərkəzinin” rəhbəridir. -Fərdi sərgiləri
Azərbaycanda (2008), İranda (2009) və Türkiyədə (2009) təşkil olunmuşdur.
