1956-cı ildə Cəbrayıl rayonunda anadan olub. 1975-ci ildə Ə.Əzimzadə adına Dövlət Rəssamlıq Məktəbini bitirib. 1980-ci ildə Azərbaycan Dövlət Mədəniyyət və İncəsənət Universitetini bitirib. 1981-ci ildən SSRİ Jurnalistlər Birliyinin və SSRİ Rəssamlar İttifaqının üzvüdür. «Kommunist» qəzetində uzun illər baş rəssam kimi fəaliyyət göstərib. 2000-2004-cü illərdə «Zarafat» satirik qəzetini yaradıb və onun baş redaktoru olub. Respublikada və xaricdə keçirilən sərgilərin iştirakçısı və mükafatçısıdır. 2006-cı ildən Azərbaycan «Karikaturaçı Rəssamlar Birliyi»nin idarə heyyətinin üzvüdür. FECO (Beynəlxalq Karikaturaçılar Təşkilatları Federasiyası) Azərbaycan qrupunun üzvüdür. Hal-hazırda Dövlət Universitetində pedaqoq kimi fəaliyyət göstərir.
